សាខាកាកបាទក្រហមខេត្តកណ្តាល ៖ ឯកឧត្តម គង់ សោភ័ណ្ឌ ប្រធានគណៈកម្មាធិការសាខាខេត្តកណ្តាល អមដំណើរដោយ ឯកឧត្តម លោកជំទាវ ថ្នាក់ដឹកនាំ លោក លោកស្រី សមាជិក សមាជិកាគណ:កម្មាធិការសាខា មន្ត្រីក្រុមប្រតិបត្តិសាខា បានអញ្ជើញចុះជួបសំណេះសំណាលជាមួយពលរដ្ឋរងគ្រោះដោយសារជំងឺអេដស៍ ចំនួន២៩៦នាក់ ក្នុងក្រុងតាខ្មៅ និងស្រុកស្អាង ដែលបានធ្វើនៅវត្តត្រពាំងឈូក ឃុំព្រែកគយ ស្រុកស្អាង ខេត្តកណ្តាល។
-ដោយភ្ជាប់ជាមួយក្តីកង្វល់ និង បណ្តាំផ្ញើសួរសុខទុក្ខ ពិសេស ពីសម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជូនដល់លោកតា លោកយាយ បងប្អូនជនរួមជាតិ ទាំងអស់ ដោយក្តីនឹករលឹក និងអាណិតអាសូរ ជាទីបំផុត , ជាមួយគ្នានោះឯកឧត្តមប្រធានបានសំណូមពរដល់បងប្អូនប្រជាពលរដ្ឋទាំងអស់ សុខភាព អនាម័យក្នុងការរស់នៅឱ្យបានល្អ ជាពិសេសរួមគ្នាការពារជំងឺអេដស៍ក្នុងគ្រួសារ សហគមន៍ និងសង្គមជាតិទាំងមូល។
ស្រុកស្អាង ៖ ថ្ងៃព្រហស្បតិ៍ ៨ កើត ខែស្រាពណ៍ ឆ្នាំថោះបញ្ចស័ក ពុទ្ធសករាជ ២៥៦៧ត្រូវនឹងថ្ងៃទី២៤ ខែសីហា ឆ្នាំ២០២៣
