សម្ដេចតេជោ ហ៊ុន សែន បង្ហាញពីរូបភាពជួបពិភាក្សាជាមួយរដ្ឋមន្ត្រីកសិកម្ម ឌិត ទីណា និងបណ្ឌិត យ៉ង់ សាំងកុមារ ព្រមទាំងលោក ឡឹក សុធារ លើការងារកសិកម្ម

 ប្រមុខរាជរដ្ឋាភិបាលកម្ពុជា សម្ដេចអគ្គមហាសេនាបតីតេជោ ហ៊ុន សែន បានបង្ហាញពីរូបភាពនៃការជួបពិភាក្សា ជាមួយរដ្ឋមន្ត្រីកសិកម្ម ឯកឧត្ដម ឌិត ទីណា និងបណ្ឌិតយ៉ង់ សាំងកុមារ ព្រមទាំងលោក ឡឹក សុធា លើការងារកសិកម្ម ដែលលោកទាំងពីរនាក់ទើបមករួមរស់ ជាមួយគណបក្សប្រជាជនកម្ពុជា។

នៅលើផេកផ្លូវការនាថ្ងៃទី ២៨ ខែវិច្ឆិកា ឆ្នាំ២០២២ សម្ដេចតេជោបានសរសេរថា ទើបជួបពិភាក្សាជាមួយរដ្ឋមន្ត្រីកសិកម្ម ឌិត ទីណា និងបណ្ឌិតយ៉ង់ សាំងកុមារព្រមទាំងលោក ឡឹក សុធា លើការងារកសិកម្ម ពដែលលោកទាំងពីរនាក់ទើបមករួមរស់ ជាមួយគណបក្សប្រជាជនកម្ពុជា។

គួរបញ្ជាក់ដែរថា លោកបណ្ឌិត យ៉ង់ សាំងកុមារ ថ្នាក់ដឹកនាំគណបក្សប្រជាធិបតេយ្យមូលដ្ឋានបានស្នើសុំចូលរួមជីវភាពនយោបាយជាមួយគណបក្សប្រជាជនកម្ពុជា។ ចំណែកលោក ឡឹក សុធា ដែលជាមនុស្សជំនិតមួយរូបរបស់លោកបណ្ឌិត យ៉ង សាំងកុមារ ថ្នាក់ដឹកនាំគណបក្សប្រជាធិបតេយ្យមូលដ្ឋាន ក៏បានស្នើសុំចូលរួមជីវភាពនយោបាយជាមួយគណបក្សប្រជាជនកម្ពុជាផងដែរ៕