(កំពង់ចាម)៖រថយន្តធុនធំបានដឹកជ្រូកជិត១០០ក្បាល ពេលកំពុងបើកបរបានគេចពីឧបសគ្គខាងមុខក៏បួងចង្កូតបណ្តាលឱ្យក្រឡាប់ធ្លាក់ផ្លូវចាក់ជូ្រកពេញអូរមានងាប់និងរបួស។
គ្រោះថ្នាក់ចរាចរណ៍នេះបានកើតឡើងនៅតាមផ្លូវជាតិលេខ ៦១ក្នុងភូមិសំបូរ ឃុំសំបូរ ស្រុកបាធាយ ខេត្តកំពង់ចាមកាលពីរសៀលថ្ងៃទី២៩ ខែកញ្ញា។
មកដល់កន្លែងខាងលើរថយន្តដឹកជ្រូកនោះ បានគេចពីម៉ូតូដែលបើកបរក្នុងល្បឿនលឿន ហើយក៏បានជ្រុលចង្កូតធ្លាក់ផ្លូវទៅបុកដើមឈើក្រឡាប់ដោយចាក់ជ្រូកពេញអូរ។តែមិនប៉ះពាល់ជីវិតមនុស្សទេ ។
រួមដំណើរបានឱ្យដឹងថា ក្នុងរថយន្តដឹកជ្រូកមានគ្នា៣នាក់ចេញពីខេត្តកំពង់ធំឆ្ពោះទៅខេត្តកំពង់ស្ពឺ ហើយជ្រូកទាំងនោះសរុបមានចំនួន ៩៣ក្បាល ស្រាប់តែមកដល់កន្លែងខាងលើក៏ជួបគ្រោះថ្នាក់បែបនេះតែម្ដង៕
