សម្ដេចពិជ័យសេនា ទៀ បាញ់ ថ្លែងការកោតសរ សើរចំពោះការទទួលបានជោគជ័យក្នុងព្រឹត្តិការណ៍កីឡាពិការភាព របស់ក្រុមអត្តពលិកជនមានពិការភាពកម្ពុជា ដែលបាននាំជ័យជម្នះយ៉ាងត្រចះត្រចង់សម្រាប់កម្ពុជា។. ថ្លែងក្នុងកម្មវិធីទទួលទង់សហព័ន្ធកីឡាជនពិការអាស៊ាន សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេម ឆ្នាំ ២០២៣ បានមានប្រសាសន៍ថា ក្នុងនាមគណៈកម្មាធិការជាតិcamsoc សូមសំដែងការកោតសរសើរ និងវាយតម្លៃខ្ពស់ ចំពោះគណៈប្រតិភូកីឡាជនមានពិការភាពកម្ពុជា ដឹក នាំដោយឯកឧត្តមហ៊ុនម៉ានី តំណាងដ៏ខ្ពង់ខ្ពស់ សម្តេចតេជោនាយករដ្ឋមន្ត្រី រួមជាមួយនឹងឯកឧត្ដម យី វាសនា នាយបេសកកម្មប្រធានប្រតិភូកីឡាជនពិការអាស៊ាន ប៉ារ៉ាហ្គេម ដែលបានដឹកនាំប្រតិភូកីឡា ទៅទទួលបានជោគជ័យដ៏ត្រចះត្រចង់ក្នុងបេសកកម្មជាតិដ៏ឧត្ដុងឧត្ដមនាពេលនេះ។
សម្ដេចពិជ័យសេនា ក៏បានសំដែងការកោតសរសើរដោយស្មោះ ចំពោះបងប្អូនកីឡាករកីឡា ការិនី ជនមានពិការភាពទាំង អស់ ដែលបានខិតខំប្រឹង ប្រែងអស់ពីកម្លាំងកាយចិត្ត និងបំពេញសមត្ថភាពរបស់ខ្លួន ក្នុងការប្រកួតគ្រប់វិញ្ញា សាទទួលបានមេដាយមាស ប្រាក់ សំរិទ្ធ និងបានបំបែកឯតទគ្គកម្មចាស់ដែលបានចូលរួមព្រឹត្តិការណ៍កីឡាពិការភាព ទៅប្រទេសមួយ ចំនួននាពេលកន្លងមក។ សម្ដេចពិជ័យសេនាបានបន្តថា មកដល់ពេលនេះ ប្រទេសរបស់យើងមានការរីកចម្រើន លើគ្រប់វិស័យទាំងអស់ ហើយក្នុងនោះ វិស័យកីឡាគឺបានចាប់ផ្តើមងើបជាបណ្តើៗ ហើយឈានមកដល់ពេលនេះ គឺនាំមកនូវមោទនភាពចំពោះជាតិយើង យ៉ាងល្អប្រពៃបំផុត ។
ជោគជ័យនេះបានបង្ហាញថាជនពិការរូបភាព មិនមែនអសមត្ថភាពនោះឡើយសូមបងប្អូនប្រជាពល រដ្ឋទាំងអស់លើកកម្ពស់ និងជំរុញស្មារតីជួយឧបត្ថម្ភគាំទ្របន្ថែមទៀត ទៅដល់ការលះ បង់ និងការតស៊ូការព្យាយាម ការអំណត់អត់ធ្មត់ ស៊ូទ្រាំគ្រប់ ការលំបាករបស់បងប្អូនកីឡា ករកីឡាការិនី ជនពិការរបស់យើង ហើយត្រូវយកចិត្តទុក ដាក់ដល់ជីវភាពរស់នៅ ការ ហាត់ហ្វឹកហ្វឺនរបស់ក្រុម ជម្រើសជាតិពិការ ក្នុងស្មារតីអភិវឌ្ឍន៍វិស័យកីឡា ប្រកប ដោយគុណភាព គុណផល និងសមត្ថភាពកីឡាដ៏រឹងមាំ សម្រាប់ទៅដណ្តើមជោគជ័យក្នុងការប្រកួតកីឡាអាស៊ីប៉ារ៉ាហ្គេមលើកទី១៣ឆ្នាំ២០២៣ នៅព្រះរាជាណាចក្រកម្ពុជា។ សម្ដេចពិជ័យសេនាក៏បានអំពាវនាវទៅដល់សាធារណៈ ប្រជាពលរដ្ឋនិងយុវជនទូទាំងប្រទេស ចូលរួមរៀបចំខ្លួន ត្រៀមអបអរសាទរលើកទឹក ចិត្ត និងផ្ដល់ស្នាមញញឹមដល់ប្រតិភូកីឡាជនមានពិការភាព មកពីបណ្ដាប្រទេសជាសមាជិកអាស៊ាន និងប្រទេសទីម័រ ខាងកើត ឱ្យមានភាពកក់ក្តៅ និងជំរុញទឹកចិត្តដល់កីឡាករ កីឡាការិនីមានពិការភាពឱ្យបានគ្រប់ៗគ្នា។ ជាមួយគ្នានោះ ក្នុងនាមគណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣២និងអាស៊ានប៉ារ៉ាហ្គេមលើកទី១២ឆ្នាំ ២០២៣ សូមថ្លែងអំណរ គុណយ៉ាងជ្រាលជ្រៅបំផុតចំពោះសម្ដេចតេជោនាយករដ្ឋមន្ត្រី ដែលជានិច្ចកាលតែង តែយកចិត្តទុកដាក់លើក កម្ពស់វិស័យកីឡានៅកម្ពុជា ឱ្យមានភាពរីកចម្រើនលើគ្រប់វិស័យ ទាំងហេដ្ឋារចនា សម្ព័ន្ធ និងធនធានមនុស្ស បានលើកតម្កើងមុខមាត់កេរ្តិ៍ ឈ្មោះកម្ពុជា និងបានបង្ហាញសក្ដានុពលជាតិទៅកាន់តំបន់និងពិភពលោក ៕
